Иммунитетті нығайту үшін қалай дұрыс тамақтану қажет

Иммунитетті сақтау үшін не жеу керек? Күшті, денсаулықты, тамаша әл-ауқатты сақтауға арналған тамақтану. Иммунитет үшін ең жақсы тағамдар, антиоксиданттардың, ақуыздардың және витаминдердің көздері.

Иммунитет – ағзаның қоршаған ортаның ішкі және сыртқы зиянды әсерін (вирустарды, бактериялар және т.б.) тауып, залалсыздандыру қабілеті. Бұл қорғаныс күз бен қыста әлсіреп кетпеуі үшін спортпен шұғылданып, уақытылы ұйықтау режимін сақтап қана қоймай, сонымен қатар дұрыс тамақтану да өте маңызды.

Тамақтану иммундық жүйеге қалай әсер етеді? Дұрыс тамақтану - бұл организмнің қажеттіліктері ескерілген күнделікті тамақтанудың жүйесі. Оның негізгі мақсаты – адамға жеткілікті қуат беру және салмақты қалыпқа келтіру ғана емес, сонымен қатар иммунитетті көтеру.

Асқорыту мүшелері ағзаның негізгі қорғаныс ресурстарының бірі екенін бәрі біле бермейді. Ағзаның ішкі қорғанысына жауапты лимфоциттердің 80% -дан астамы ересек адамның ішектерінде шоғырланған. Олар тамақпен бірге ас қорыту жолына түсетін жағымсыз бактерияларды бейтараптандырады. Сондықтан иммунитетті күшейтетін өнімдерді таңдау өте маңызды.

Тамақтану рационына пайдалы тағамдарды қосу арқылы ересектер мен балалардың иммунитетін нығайтуға көмектесетін ағзаны қажетті қоректік заттармен қамтамасыз етеді. Сонымен, ақуыздар ағзаны антиденелердің пайда болуына қажетті аминқышқылдарымен байытады, ал жоғары сапалы майлар мен көмірсулар иммундық жасушалардың құрылыс материалы болып табылады.

Суық мезгілде тамақтанудың негізгі ұсыныстары

Иммундық жүйе мықты болуы үшін ұсынылатын қарапайым, бірақ маңызды тамақтану ережелері:

Жаңа піскен көкөністер мен жемістер иммунитет үшін ең пайдалы тағамдардың бірі болып табылады. Олар ішек жұмысын қалыпқа келтіретін пектин мен талшықтардың көп мөлшерін қамтиды. Күніне 500 грамм жемістер мен көкөністер жеу ұсынылады;
Иммунитетті қалпына келтіретін биологиялық белсенді қоспаларды үнемі қабылдап жүру. Бұл жерде табиғи таза және сапалы өнімді таңдау маңызды. Керемет мысал - BioHayat шығаратын қоспалар. Олардың құрамында жасанды ингредиенттер жоқ және тиімділігі мен қауіпсіздігі зертханалық зерттеулермен расталған;
Мәзірге антиоксидант және пайдалы микро және макро элементтер көздерін қосу. Бұлардың қатарында ерлер мен әйелдердің иммунитетін арттыратын шай, қара шоколад, жидектер, қызылша және басқа да өнімдер бар. Жаңғақтарда, авокадода, өсімдік майында болатын Е дәрумені күшті антиоксидант болып саналады;
Иммундық жүйені нығайту үшін ашытылған сүт өнімдері: сүзбе, айран, қоспасыз йогурт пайдалы болады;
Тұтас дәнді-дақылдар иммунитетті жақсы көтереді, өйткені олар ішектерді тазартуға көмектеседі. Қоңыр күрішті, тұтас дәнді нанды үнемі жеу керек;
Ақуызға бай тағамдар, яғни құс еті, балық, бұршақ, жаңғақтар сынды өнімдер өте пайдалы; Теңгерімді тамақтану артық май пайда болуының алдын алады. Рационнан майлы етті, майлы сүт өнімдерін, сары майды алып тастаған дұрыс;
Ара шаруашылығы өнімдері табиғи иммуностимуляторлар болып саналады;
Иммунитетті сақтау үшін дұрыс тамақтану ғана емес, су ішу де өте маңызды. Ол ағзаның жаңаруына ықпал етеді және зиянды заттардан тазалайды.

Дүкенде сатып алынатын барлық өнімдер бірдей пайдалы болмайтынын ескеру маңызды. Сатып алудан бұрын иммундық жүйені жақсартатын өнімдердің құрамын мұқият зерделеу керек - оның құрамында зиянды қоспалар болмауы қажет.

Қандай тағамдар иммундық жүйені нығайтуға көмектеседі?

Иммундық жүйе әлсіреген кезде қандай тағамдарды жеу керек? Біз рацмондағы ең маңызды компоненттермен танысуды ұсынамыз.

Витаминдердің иммунитетке пайдасы

Витаминдер иммундық жасушаларды қалыптастыру, бос радикалдардан қорғау және бөгде ортаның әсеріне қарсы тұру үшін қажет. Әрі қарай, олардың құрамында қандай өнімдер бар екенін қарастырамыз.

Витамин А(ретинол)	Иммуноглобулиндерді өндіруге қатысады, эпителий тінін қалпына келтіреді.	Жұмыртқа, сүт, тауық бауыры.
Қоздырғышты анықтау процесін және антиденелерді өндіруді жеделдетеді.	Жылқы еті, сұлы жармасы, қарақұмық.
Витамин B2(рибофлавин)	Патогендік микроорганизмдерді ерітетін лизоцим ферментінің өндірілуін қамтамасыз етеді.	Сүт өнімдері, жұмыртқа, ет, жасыл бұршақ.
Витамин В6(пиридоксин)	Антиденелердің өндірісін арттырады және ағзаға инфекциялармен күресуге көмектесетін ақ қан жасушаларының түрлерінің бірі нейтрофилдердің бактерицидтік қасиеттерін арттырады.	Дәнді-дақылдар, жаңғақтар, қызанақ, сәбіз, цитрусты жемістер.
Витамин В9(фолиевая кислота)	Т-лимфоциттердің функцияларын белсендіреді, иммундық жасушалардың өсуін және бөлінуін жылдамдатады.	Бұршақ дақылдары, шпинат, қырыққабат, бауыр.
Витамин В12(цианкобаламин)	Бактериялармен байланыста фагоциттердің белсенділігін арттырады.	Сиыр еті, тауық еті, теңіз өнімдері.
Витамин С(аскорбиновая кислота)	Иммундық жасушалардың қозғалғыштығы, бөгде бөлшектерді сіңіру үшін қажет. Грейпфруттарда, брокколиде, апельсиндерде бар.	Жидектер, цитрус жемістері, қырыққабат, картоп.
Витамин Е(токоферол)	Патогенге иммундық жауапты белсендіреді, жасуша мембраналарының қасиеттерін жақсартады, вирустың жасушаға енуіне жол бермейді.	Күнбағыс майы, авокадо, жаңғақтар, бауыр.

Дегенмен, күнделікті тұтынылатын тағамдардың құрамындағы витаминдер ағзаның қорғаныс функцияларын күшейту үшін жеткіліксіз болуы мүмкін. Мұндай жағдайларда иммундық жүйенің дұрыс жұмыс істеуі үшін қажетті қоректік заттардың табиғи көздері болып табылатын биологиялық белсенді қоспалар көмектеседі. Осындай құралдардың бірі - сарымсақ сығындысы. Ол дененің қорғаныс қасиеттерін белсендіреді, жүрек-қан тамыр және ас қорыту жүйелерін сауықтырады. Сілтеме бойынша осы өнімнің барлық пайдалы қасиеттері туралы оқи аласыз.

Иммунитетті нығайтатын тағы бір қоспа - Саумал. Бұл микробқа қарсы және иммуномодуляциялық әсері бар бие сүтінен жасалған сублимацияланған сусын. Оның құрамында ағзаның табиғи қорғанысын сақтауға көмектесетін көптеген пайдалы дәрумендер мен минералдар бар. Бұл сусынның қайталанбас емдік қасиеттері туралы толығырақ мына жерден біле аласыз.

Иммунитет үшін не жеуге болады. Ақуыз көздері

Ақуыздар вирустар мен инфекцияларға қарсы тұратын иммундық жүйенің агенттері саналатын лейкоциттер мен антиденелерді құрайтын материал болып табылады. Ақуыздың ыдырауы кезінде түзілетін аминқышқылдары (аланин, глутамин, глицин, лизин және т.б.) қорғаныш жасушаларының белсенділігіне оң әсер етіп, ішек микрофлорасының тепе-теңдігін сақтайды.

Қандай тағамдарда ақуыз бар? Етте, әсіресе жылқы етінде, сүт өнімдерінде, жұмыртқада оның көп мөлшері бар. Жаңғақтар, бұршақ және дәнді дақылдардың пайдасын да ескерген жөн, өйткені оларда өсімдік ақуызы бар.

Айта кету керек, ақуыз тағамдары күні бойына біркелкі қабылдануы керек (бір тағамға 20 грамнан аспайтын ақуыз).

Иммунитетті күшейтетін антиоксиданттар

Антиоксиданттар - ерте қартаюдан, ісіктердің пайда болуынан, жүрек-тамыр және эндокриндік аурулардан қорғайтын бос радикалдардың әсерін қорғайтын заттар.

Антиоксиданттарға мыналар жатады:

витаминдер - A, B, E, C;
минералдар – мырыш, мыс, фосфор, темір, никель. Лимфоциттер мен макрофагтардың түзілуі мен бөлінуі және иммундық жүйе органдарының (тимус, лимфа түйіндері, көкбауыр) дұрыс жұмыс істеуі үшін қажет;
флавоноидтар - өсімдік тектес биологиялық белсенді заттар. Жүзімде, анарда, көк шайда бар.

Жоғарыда аталған қоректік заттар ағзаға кешенді түрде жеткізілуі керек - сондықтан олар жақсы сіңеді және бір-бірінің әрекетін өзара күшейтеді.